Ukiuni 25-ni tulliuttuni inuit ikiliartussapput utoqqasaajunerulissallutillu
Ukiuni 25-ni tulliuttuni innuttaasut ikiliartornissaat ilimanarpoq. Maanna inuit 55.984-iusut 2040-mi naatsorsuutigineqarpoq 52.000-ingajanngorsimanissaat.
Kalaallit Nunaanni kinguaassiornermi toqusoqartarnerani, nunasinerni nuuttarnerniillu ilimaginngisamik allanngortoqariataanngippat, 2040-mi ullumikkumiit 4.000-nik ikinnerusut najugaqarnissaat naatsorsuutigineqarpoq. Innuttaasut agguaqatigiissillugu ukiui ullumikkut 35,2-iuvoq naatsoruutigineqarporlu 2040-mi 37,6-imut qaffassimanissaa. Kalaallit Nunaanni innuttaasut Danmarkimi innuttaasunut naleqqiullugit ukiukinnerussapput. Danmarkimi innuttaasut agguaqatigiissillugu maanna ukiui 40-upput.
Takussutissiaq 1. 1985-imiit 2040-mut innuttaasut ukiuinut immikkoortillugit
Malugiuk: Kisitsisaataasivimmik kisitsisit takukkit (http://bank.stat.gl/benpprog )
Inuit amerlassusissaasa naatsorsorneqarfianni (2015-2040) utoqqaat (70+) marloriaatingajammik amerlisimanissaat naatsorsuutigineqarpoq.
Innuttaasut ukiui malillugit sulisinnaatut naatsorsuutigineqartut ikileriarnissaat naatsorsuutigineqarpoq, taamaakkaluartorli sulisinnaasut innuttaasut affaasa missigissagaat naatsorsuutigineqarpoq.
Innuttaasut qanoq amerlatiginissaannik naatsorsuinikkut angusat pingaarnerit, Kalaallit Nunaanni Naatsorsueqqissaartarfiup 2040-ip tungaanut nunatsinni innuttaasut amerlassusissaat pillugit naatsorsugai, taama isikkoqarput. Innuttaasut amerlassusissat 1. januaari 2015-imi innuttaasunut naatsorsuutit tunngavigalugit suliarineqarput.
Suiaassusermut, ukioqqortussutsit ataasiakkaarlugit tamakkerlugit, inunngorfinullu naatsorsuutit sukumiisumik inerneri Kisitsisaataasivitsinni http://bank.stat.gl/benpprog qimerloorneqarsinnaapput.